|
|||
![]() |
|||
2008-11-11 17:40:26 CET 2008-11-11 17:41:25 CET REGULATED INFORMATION Alfesca hf. - Hluthafafundir- Aðalfundur haldinn 18. nóvember nk. kl. 13:00Aðalfundur Þriðjudaginn 18. nóvember 2008, kl. 13.00 Grand Hotel, Reykjavík, Sigtúni 28, Reykjavík Félagsstjórn Alfesca hf. leggur eftirfarandi tillögur fyrir aðalfund félagsins þann 18. nóvember 2008: 1. Tillögu um að ekki verði greiddur út arður af hagnaði félagsins vegna síðastliðins reikningsárs. 2. Tillaga um þóknun til stjórnarmanna: „Aðalfundur Alfesca hf. haldinn 18. nóvember 2008 samþykkir að fyrir eins árs tímabilið frá aðalfundi 2008 til aðalfundar næsta árs verða árslaun stjórnarmanna €45.000 fyrir einstaka stjórnarmann. Stjórnarformaður fær sem nemur þreföldum launum einstaka stjórnarmanns eða sem samsvarar €135.000. Þóknun stjórnarmanna fyrir skipun í undirnefndir stjórnar félagsins á tímabilinu er €25.000 fyrir nefndarmann.“ 3. Tillögu um starfskjarastefnu. Stjórn Alfesca hf. gerir að tillögu sinni að aðalfundur félagsins fyrir árið 2008, haldinn 18. nóvember 2008, samþykki eftirfarandi starfskjarastefnu fyrir félagið: „Starfskjarastefna Starfskjaranefnd Stjórn félagsins skal kjósa þrjá (3) menn úr sínum hópi í starfskjaranefnd. Hlutverk nefndarinnar er að setja, endurskoða og leggja fyrir stjórnina starfskjarastefnu fyrir félagið þar sem mælt er fyrir um starfskjör framkvæmdastjóra og annarra yfirmanna. Nefndin hefur að auki það hlutverk að samþykkja kaupréttaráætlanir og kaupaukagreiðslur til framkvæmdastjóra og annarra yfirmanna. Nefndin skal jafnframt tryggja að starfsskilmálar lykilstarfsmanna séu innan ramma starfskjarastefnunnar og gefa stjórn félagsins skýrslu þar um árlega í tengslum við aðalfund félagsins. Fyrirkomulag þetta er í samræmi við leiðbeiningar Viðskiptaráðs Íslands um góða stjórnarhætti sem gefnar voru út árið 2005. Markmið Starfskjarastefnan er sett fram í samræmi við ákvæði 79 gr. a laga um hlutafélög nr. 2/1995 og almennar meginreglur um góða stjórnarhætti í félögum. Markmið félagsins er að viðhalda góðum starfskjörum með það að leiðarljósi að laða til sín og halda í hæfa framkvæmdastjóra og aðra yfirmenn ásamt því að hvetja til og umbuna framúrskarandi árangur. Starfskjör framkvæmdastjóra og annarra yfirmanna skulu miða að því að umbuna þeim með viðeigandi og raunsæjum hætti sem hefur hvetjandi áhrif á að framúrskarandi árangri verði náð. Starfskjarastefnan skal endurskoðuð árlega og taka mið af frammistöðu fremur en árlegum launum, með það að markmiði að tengja hagsmuni lykilstarfsmanna við vöxt félagsins og arðsemi hluthafa félagsins. Árslaun skulu yfirfarin og endurskoðuð og ákvörðuð á samkeppnishæfum grundvelli að teknu tilliti til markaðsskilyrða. Að því er varðar kaupauka- og kaupréttaráætlanir er stefnan sú að viðhalda möguleikum framkvæmdastjóra og annarra yfirmanna til veglegrar heildarumbunar ef settum árangursmarkmiðum er náð. Starfskjaranefndin skal endurskoða alla þætti starfskjarastefnunnar, meðal annars gera samanburð á launum æðstu stjórnenda og þann árangursmælikvarða sem notast skal við. Starfskjarastefna að því er varðar framkvæmdastjóra og aðra yfirmenn skal leggja áherslu á árangursmælikvarða og að auka eignarhlut þeirra í félaginu. Starfskjör framkvæmdastjóra og annarra yfirmanna Laun framkvæmdastjóra og annarra yfirmanna skulu samræmd hagsmunum hluthafa og af þeim sökum skulu starfskjör þeirra að stórum hluta vera árangurstengd. Til að stuðla að jafnvægi á milli fastra og breytilegra launa skulu hin föstu laun eingöngu vera grunnlaun á meðan hin breytilegu laun skulu fela í sér ýmist kaupauka í reiðufé, langtíma kaupréttarfyrirkomulag, rétt til móttöku á hlutum í félaginu í tengslum við í afkomu þess eða samkvæmt öðru hvatakerfi sem tengist afkomu félagsins. Föst og breytileg laun framkvæmdastjóra og annarra yfirmanna skulu skiptast í eftirfarandi þætti: Grunnlaun Grunnlaun skulu endurspegla ábyrgð og frammistöðu þess einstaklings sem í hlut á. Grunnlaun skulu að jafnaði endurskoðuð árlega nema starfsskyldur breytist. Laun skulu ákveðin í viðeigandi launaflokki að teknu tilliti til markaðsskilyrða og launa í fyrirtækjum af sambærilegri stærðargráðu og umfangs viðkomandi sviðs. Kaupaukar í reiðufé Framkvæmdastjórar og aðrir yfirmenn eiga kost á að fá kaupauka í reiðufé sem í senn eru tengdir því hvort heildarmarkmiðum í rekstri hafi verið náð sem og einstaklingsbundinni frammistöðu. Kaupréttir Í samræmi við stefnu félagsins um að hagsmunir framkvæmdastjóra og annarra yfirmanna, félagsins og hluthafa fari sem best saman er heimilt að veita framkvæmdastjórum og öðrum yfirmönnum greiðslur tengdar hlutum í félaginu. Réttur til hluta getur verið veittur í tengslum við árangur og/eða háður tilteknum skilyrðum. Þá getur réttur til hluta verið í formi kaup- og/eða söluréttar að hlutum í félaginu. Félaginu er í þessu skyni heimilt að veita starfsmönnum lán til kaupanna. Félagið getur jafnframt útbúið áskriftarrétt á hlutum í félaginu og gert starfsmönnum kleift að skrifa sig fyrir hlutum á áskriftarverði þegar rétturinn er nýttur. Almennt skal miða við að kaupréttir séu til 2-4 ára og að þeir séu nýtanlegir í áföngum á tímabilinu, og tengdir því hvort markmið rekstrar félagsins hafi náðst. Starfskjaranefndin skal einu sinni á ári kynna stjórn félagsins tillögur sínar um kauprétti æðstu starfsmanna. Starfskjör stjórnarmanna Stjórnarmönnum skal greidd föst mánaðarleg þóknun í samræmi við ákvörðun aðalfundar félagsins, eins og kveðið er á um í 79. gr. a laga um hlutafélög nr. 2/1995. Varaformanni stjórnar skal að jafnaði greidd föst mánaðarleg þóknun sem skal vera tvöföld sú fjárhæð sem stjórnarmönnum er greidd. Stjórnarformanninum skal greidd hærri þóknun. Stjórnarmenn sem sæti eiga í starfskjaranefnd, endurskoðunarnefnd og öðrum nefndum skal greidd föst þóknun fyrir slík störf sem ákveðin er á aðalfundi félagsins. Stjórnarmenn eru ekki þátttakendur í kaupréttar- eða lífeyrisréttaráætlunum. Starfskjör forstjóra Starfskjaranefndin skal gera tillögu að launum forstjóra félagsins. Laun forstjóra skulu samsett af sömu þáttum og að teknu tilliti til sömu meginreglna og gilda um laun framkvæmdastjóra og annarra yfirmanna sem rakin voru hér að framan. Önnur starfskjör skulu vera sambærileg því sem gerist í sambærilegum fyrirtækjum, svo sem lífeyrisgreiðslur, orlof, afnot af bifreið og uppsagnarfrestur. Uppsagnarfrestur getur tekið mið af starfstíma forstjóra hjá félaginu. Forstjóri félagsins nýtur stuðnings framkvæmdastjóranefndar. Þóknun þeirra sem sitja í framkvæmdastjóranefnd skal ákveðin af forstjóranum að höfðu samráði við starfskjaranefnd. Samþykki og upplýsingagjöf Starfskjarastefnan skal samþykkt á aðalfundi félagsins. Stefnan er bindandi fyrir stjórn félagsins að því er varðar greiðslur sem tengdar eru hlutum í félaginu. Að öðru leyti er stefnan til leiðbeiningar fyrir félagið og stjórn þess. Stjórn félagsins skal á aðalfundi gera grein fyrir starfskjörum forstjóra, framkvæmdastjóra og annarra yfirmanna og stjórnarmanna ásamt áætluðum kostnaði samfara kaupréttum auk útskýringa á því með hvaða hætti starfskjarastefnunni hafi verið framfylgt. Gerð skal grein fyrir því ef vikið hefur verið frá starfskjarastefnunni. Á aðalfundi félagsins skal stjórn félagsins skýra frá starfskjörum forstjóra og samsetningu heildarlauna framkvæmdastjóra, annarra yfirmanna og stjórnarmanna. Stjórnin skal jafnframt veita upplýsingar um heildarfjárhæð launa sem greidd hafa verið á árinu, s.s. fjárhæðir kaupauka í reiðufé og hlutafé og annars konar greiðslum sem tengjast hlutafé félagsins, starfslokagreiðslur ef einhverjar hafa verið, og heildarfjárhæð annars konar greiðslna. Stjórn félagsins skal ennfremur gera grein fyrir áætluðum kostnaði af hvers konar greiðslum sem tengjast hlutum í félaginu. Gildistaka: 18. nóvember 2008“ 4. Tillögu um að eftirtaldir aðilar, sem hafa tilkynnt framboð til stjórnar, hljóti kosningu til eins árs til setu í stjórn Alfesca hf.: a. Árni Tómasson, b. Bill Ronald c. Guðmundur Ásgeirsson d. Ólafur Ólafsson e. Kristinn Albertsson 5. Tillögu um að Deloitte hf. yrði endurkosið sem endurskoðandi félagsins og að stjórn félagsins yrði heimilað að ákvarða þóknun vegna þjónustu þess. 6. Tillögu um að heimila félaginu að kaupa og taka til tryggingar allt að 10% af útgefnu hlutafé félagsins. Heimild þessi skal gilda í 18 mánuði frá samþykkt hennar með þeim takmörkunum að heildar fjöldi hluta sem kann að vera keyptur eða tekin til tryggingar með stoð í heimildinni skal ekki fara fram úr 10% af útgefnu hlutafé félagsins. Má kaupverð hlutabréfanna vera að lágmarki og hámarki allt að 10% lægra og allt að 10% hærra en meðalsöluverð, skráð hjá OMX Nordic Exchange á Íslandi, síðustu tveimur (2) vikum áður en kaup eru gerð. Með samþykki þessarar tillögu fellur fyrri heimild félagsins til kaupa á eigin bréfum er samþykkt var á síðasta aðalfundi félagsins, úr gildi. 7. Tillögu að breytingum á samþykktum. Lagt er til að grein 4.1. samþykkta félagsins verði með eftirfarandi hætti: „Almennir hluthafafundir Æðsta vald í öllum málefnum félagsins, innan þeirra takmarka sem samþykktir þess og landslög setja, er í höndum lögmætra hluthafafunda. Umboð Hluthafi getur látið umboðsmenn sækja hluthafafund fyrir sína hönd. Umboðsmaður skal leggja fram skriflegt og dagsett umboð. Umboð verða ekki afturkölluð svo gilt sé gagnvart félaginu eftir að því hefur verið framvísað við afhendingu fundargagna eða eftir setningu hluthafafundar hvort heldur sem fyrr er. Rafræn þátttaka í hluthafafundi: Stjórn er heimilt að halda hluthafafund með rafrænum hætti, annað hvort að hluta eða öllu leyti. Telji stjórn að tiltækur sé nægilega öruggur búnaður til að halda rafrænan fund að hluta eða öllu leyti og ákveði stjórn að nýta þessa heimild skal þess sérstaklega getið í fundarboði. Upplýsingar um nauðsynlegan tæknibúnað fyrir hluthafa, hvernig hluthafar tilkynni þátttöku sína, hvernig atkvæðagreiðsla fer fram og hvar hluthafar nálgast leiðbeiningar um fjarskiptabúnað, aðgangsorð til þátttöku í fundinum og aðrar upplýsingar skulu koma fram í fundarboði. Jafngildir innslegið aðgangsorð í tiltekinn fjarskiptabúnað undirskrift viðkomandi hluthafa og telst staðfesting á þátttöku hans í hluthafafundinum. Hluthafar sem hyggjast sækja fundinn með rafrænum hætti, skulu tilkynna skrifstofu félagsins þar um með 5 daga fyrirvara og leggja samtímis fram skriflega spurningar varðandi dagskrá eða framlögð skjöl sem þeir óska svara við á fundinum. Ef stjórn telur ekki framkvæmanlegt að gefa hluthöfum kost á þátttöku í hluthafafundi rafrænt skal hluthöfum gefinn kostur á að greiða atkvæði um tillögur eða taka þátt í kosningum bréflega. Skal í fundarboði kveðið á um hvernig slík atkvæðagreiðsla verði framkvæmd. Geta hluthafar óskað eftir að fá atkvæði send sér og skal skrifleg beiðni þar um hafa borist skrifstofu félagsins 5 dögum fyrir auglýstan hluthafafund. Einnig geta hluthafar vitjað atkvæðaseðla sinna á skrifstofu félagsins frá sama tíma eða greitt þar atkvæði. Að öðru leyti gilda um slíkar atkvæðagreiðslur ákvæði 80. gr. (a) laga nr. 2/1995 um hlutafélög, með síðari breytingum. Lögmæti hluthafafunda. Hluthafafundur er lögmætur ef til hans er réttilega boðað.” 8. Tillögu um að samþykkja arðstefnu félagsins. „Arðstefna Arðstefna Alfesca hf. er sú að hámarka ávöxtun þeirra fjármuna sem hluthafar hafa treyst félaginu til meðferðar á og sjá til þess að hluthafar njóti góðs af vexti öflugs lausafjárstreymis rekstursins jafnhliða því að leggja nægjanlegt fé til fjárfestingar í framtíðar vexti félagsins. Stefna Alfesca hf. er að greiða út að jafnaði um 30 - 40% af hagnaði hvers árs. Hluti af arðstefnu Alfesca hf. er að bjóða hluthöfum upp á skipulagða áætlun um endurfjárfestingu arðs (e. dividend reinvestment plan). Samkvæmt áætluninni mun Alfesca hf. bjóða hluthöfum þann möguleika að fjárfesta nettó arðgreiðslum sínum í hlutum í félaginu í stað reiðufjárútborgunar arðsins. Markmið áætlunarinnar er að bjóða hluthöfum upp á hagkvæma og handhæga leið til þess að auka við hlut sinn í Alfesca hf. á samkeppnishæfu kaupgengi, félaginu sjálfu og hluthöfum þess til hagsbóta.“ |
|||
|