Landsbankinn hf. - Fyrirtækjafréttir

Landsbankinn hf. lýkur sölu sértryggðra skuldabréfa

Landsbankinn lauk í dag útboði á þremur flokkum sértryggðra skuldabréfa. Alls
bárust tilboð að fjárhæð 3.360 m. kr. í útboðinu og var tilboðum tekið fyrir
2.620 m. kr. 

Seld voru skuldabréf í LBANK CB 17, óverðtryggðum flokki sem skráður er á
Nasdaq Iceland, fyrir 400 m. kr. á ávöxtunarkröfunni 6,25%. Áður hefur
Landsbankinn gefið út 1.400 m. kr. í sama flokki og nemur því heildarstærð
flokksins 1.800 m. kr. eftir viðbótarútgáfuna. 

Seld voru skuldabréf í LBANK CB 19, óverðtryggðum flokki sem skráður er á
Nasdaq Iceland, fyrir 1.280 m. kr. á ávöxtunarkröfunni 6,35%. Áður hefur
Landsbankinn gefið út 3.760 m. kr. í sama flokki og nemur því heildarstærð
flokksins 5.040 m. kr. eftir viðbótarútgáfuna. 

Seld voru skuldabréf í LBANK CBI 22, verðtryggðum flokki sem skráður er á
Nasdaq Iceland, fyrir 940 m. kr. á ávöxtunarkröfunni 2,70%. Áður hefur
Landsbankinn gefið út 7.740 m. kr. í sama flokki og nemur því heildarstærð
flokksins 8.680 m. kr. eftir viðbótarútgáfuna. 

Stefnt er að töku skuldabréfanna til viðskipta á Nasdaq Iceland þann 5.
nóvember 2015 en Kvika sinnir viðskiptavakt með ofangreinda flokka sértryggðra
skuldabréfa. 

Sértryggðu skuldabréfin eru gefin út með leyfi frá Fjármálaeftirlitinu með
vísan í lög nr. 11/2008 og reglur Fjármálaeftirlits nr. 528/2008. Nánari
upplýsingar um skuldabréfin og tryggingasafnið má finna á vefsvæði fjármögnunar
bankans, www.landsbankinn.is/sertryggd-skuldabref.