Marel hf. - Fyrirtækjafréttir

Sigsteinn P. Grétarsson skipaður aðstoðarforstjóri Marel hf.

Sigsteinn P. Grétarsson hefur verið skipaður aðstoðarforstjóri (e. Chief
Operating Officer) Marel hf. Nýr starfstitill Sigsteins endurspeglar hlutverk
og ábyrgðarsvið hans í framkvæmdastjórn Marel samstæðunnar, sem hann á sæti í
ásamt forstjóra og fjármálastjóra fyrirtækisins. Sigsteinn mun einnig áfram
vera í forsvari fyrir fyrirtækið á Íslandi. 

Samhliða aukinni áherslu á hlutverk Sigsteins í framkvæmdastjórn Marel mun
David Wilson taka við af honum sem framkvæmdastjóri kjötiðnaðarseturs
fyrirtækisins. David hefur starfað hjá fyrirtækinu í 13 ár og hefur gegnt
leiðandi stöðu (sem „Senior Vice President“) hjá kjúklingaiðnaðarsetri Marel í
Gainesville, Georgia, í Bandaríkjunum.