Icelandic Group hf. - Fyrirtækjafréttir

- Björgólfur hættir sem forstjóri Icelandic Group

Björgólfur Jóhannsson  forstjóri Icelandic Group hefur sagt starfi sínu lausu.
Björgólfur hefur gegnt starfi forstjóra félagsins frá því í mars 2006. Stjórn
Icelandic hefur samið við Björgólf um starfslok og mun hann láta formlega af
störfum um miðjan janúar. Stjórn félagsins þakkar Björgólfi vel unnin störf og
óskar honum velfarnaðar á nýjum vettvangi. 


Björgólfur Jóhannsson forstjóri Icelandic Group:
„Við höfum undanfarin misseri unnið að endurskipulagningu félagsins í erfiðu
umhverfi. Nú sér fyrir endann á áföngum í því verki. Það er við þessar aðstæður
sem ég fékk afar áhugavert tilboð um nýtt starf og ákvað að skipta um
starfsvettvang. Þessi ákvörðun mín er tekin í sátt og samlyndi við stjórn
félagsins. Ég vil nota tækifærið og þakka öllu því góða fólki sem ég hef unnið
með hjá Icelandic Group fyrir vel unnin störf og góða viðkynningu.“ 


Magnús Þorsteinsson stjórnarformaður Icelandic Group:
„Björgólfur hefur leitt umfangsmikið og erfitt umbreytingastarf fyrir Icelandic
Group. Ýmislegt af því hefur tekist vel og annað er í farvegi. Brotthvarf hans
ber brátt að en ég hef skilning á því að Björgólfur vill reyna fyrir sér á
nýjum vettvangi. Ég óska honum velfarnaðar í nýju starfi.” 


Nánari upplýsingar veitir:

Björgólfur Jóhannsson forstjóri Icelandic Group, sími: 896 1455 






Um Icelandic Group
Icelandic Group (OMX Nordic Exchange: IG) er alþjóðlegt net fyrirtækja sem
starfa hvert á sínum markaði við framleiðslu og sölu sjávarafurða.  Á mörgum
mörkuðum er félagið þekkt fyrir vörumerki sitt ICELANDIC, sérstaklega innan
veitingahúsa og mötuneyta.  Félagið er einnig stór birgi smásöluverslana með
framleiðslu undir eigin vörumerkjum eða undir vörumerkjum smásölukeðjanna. 
Starfsmenn Icelandic Group eru um 4.600.  Hjá þeim stóra hópi liggur
yfirgripsmikil þekking sem spannar allt frá veiðum og frumvinnslu sjávarfangs
til vöruþróunar og framleiðslu tilbúinna rétta og þekking á markaði.