Lánamál ríkisins - Fyrirtækjafréttir

Breyting á reglum Seðlabanka Íslands nr. 490/2016

Til upplýsinga voru birtar í dag á vef Stjórnartíðinda reglur um breytingu á
reglum Seðlabanka Íslands nr. 490/2016 um bindingu reiðufjár vegna nýs
innstreymis erlends gjaldeyris. Með reglunum voru gerðar breytingar á 2. og 5.
tölul. 2. gr. og 6. gr. reglnanna. Í fyrsta lagi er nú kveðið á um að
bindingarskylda vegna innstæðna skv. 2. og 5. tölul. 2. gr. reglnanna myndist
eingöngu þegar innstreymi nýs erlends gjaldeyris er ráðstafað í innstæður í
innlendum gjaldeyri þar sem ársvextir eru 3,00% eða hærri. Í öðru lagi er nú
kveðið á um það í 4. mgr. 6. gr. reglnanna að bindingarfjárhæð verði laus til
ráðstöfunar af bindingarreikningi að loknum bindingartíma og ráðstöfun hennar
sé óháð bindingarskyldu. 

Hjálagt er afrit af reglunum. Reglurnar má sömuleiðis finna á vefsíðu
Stjórnartíðinda, sbr. eftirfarandi vefslóð: 

http://www.stjornartidindi.is/Advert.aspx?RecordID=97fc97d5-8b5f-4d20-acdf-eb54f
ce396aa 

Öllum spurningum og athugasemdum í tengslum við framangreindar breytingar má
beina á netfangið hb24@sedlabanki.is.

Attachments:

Reglur um breytingu a reglum um bindingu reiufjar.pdf