|
|||
2013-08-29 16:08:38 CEST 2013-08-29 16:09:39 CEST REGULATED INFORMATION This message has been corrected. Click here to view the corrected message Orkuveita Reykjavíkur - ÁrsreikningurKostnaður enn að lækkaRekstur fyrirtækisins 173 milljónum króna ódýrari en í fyrra (313 m.kr á föstu verðlagi) | Rekstrarhagnaður Orkuveitunnar (EBIT) 8,9 milljarðar fyrstu sex mánuði ársins | Skuldir lækka um 21,3 milljarða en eru ennþá miklar | Planið stenst Reykjavík, 2013-08-29 16:08 CEST (GLOBE NEWSWIRE) -- Rekstrarhagnaður Orkuveitunnar fyrir fjármagnsliði (EBIT) fyrri hluta ársins 2013 nam 8,9 milljörðum króna en var 8,1 milljarður á sama tímabili 2012. Aðhald í rekstri fyrirtækisins er enn að skila lækkuðum kostnaði við rekstur þess og hafa launakostnaður og annar rekstrarkostnaður lækkað um 173 milljónir frá fyrra ári. Ytri þættir hafa ýmist verið hagstæðir eða óhagstæðir á tímabilinu. Áhættuvarnir hafa skilað auknum stöðugleika í afkomu Orkuveitunnar. Lykilatriði í bættri afkomu er aðhald í rekstri. Á línuritinu hér til hliðar sést þróun rekstrarkostnaðar, annars en orkukaupa til endursölu, á fyrri helmingi síðustu ára. Myndin sýnir meðal annars raunlækkun launakostnaðar um 18% frá 2009 og hann var raunar lægri að krónutölu á fyrri helmingi ársins 2013 en þá. Annar rekstrarkostnaður hefur einnig dregist saman að raunvirði en neysluverðsvísitalan hækkaði um 20% á þessu tímabili. Árshlutauppgjör samstæðu Orkuveitu Reykjavíkur var samþykkt af stjórn í dag. Það er gert í samræmi við alþjóðlega reikningsskilastaðla, IFRS. Álverð lágt, gengi og vextir lág en hækkandi Framlegð reksturs samstæðu Orkuveitunnar (EBITDA) á fyrri helmingi ársins 2013 nam 13,4 milljörðum króna en var 12,7 milljarðar á sama tímabili 2012. Ytri áhrifaþættir á afkomu fyrirtækisins - gengi, álverð og vaxtastig - hafa þróast hvert með sínum hætti. Gengisþróun hefur verið hagstæð fyrir Orkuveituna en álverð er mjög lágt og hefur það neikvæð áhrif á fjármagnsliði uppgjörsins. Hagnaður fyrri hluta ársins 2013 eftir skatta nam 3,7 milljörðum króna. Áfram er lögð áhersla á sparsemi í rekstri og niðurgreiðslu skulda. Skuldir hafa lækkað um 21,3 milljarða króna frá fyrra ári. Vegna þessa árangurs og staðfestu við að framfylgja Plani Orkuveitunnar og eigenda fyrirtækisins, hefur verið hægt að verja rekstur Orkuveitunnar fyrir sveiflum í ytri áhrifaþáttum með samningum við íslenskar og erlendar fjármálastofnanir. Planið skilað 32,7 milljörðum betri sjóðstöðu frá vorinu 2011 Heildarárangur Plansins á fyrri helmingi ársins 2013 nam 8,9 milljörðum króna, sem er 1.466 milljónum króna umfram markmið. Aðgerðaáætlunin, sem stjórn Orkuveitunnar og eigendur fyrirtækisins réðust í vorið 2011, hefur nú skilað fyrirtækinu 32,7 milljörðum króna betri sjóðsstöðu en verið hefði að óbreyttu. Sé litið til heildarárangurs Plansins frá upphafi er árangurinn af því samtals 3,3 milljarðar umfram markmið. Allir þættir eru á áætlun eða umfram hana nema sala eigna. Bjarni Bjarnason, forstjóri Orkuveitunnar: Reglubundinn rekstur Orkuveitunnar er í afar traustum farvegi eins og afkoman síðustu misseri sýnir. Starfsfólk fyrirtækisins, stjórn og eigendur gera sér glögga grein fyrir mikilvægi þess að halda Plani og allir leggja sitt af mörkum til þess að það takist. Aðgangur almennings að rafmagni, heitu vatni og köldu og traustri fráveitu er alltaf í forgangi en framundan eru mikilvæg verkefni utan hinna hefðbundnu viðfangsefna. Orkuveitan þarf lögum samkvæmt að ljúka við að skilja samkeppnirekstur Orkuveitunnar frá veituþjónustunni um áramót. Við vinnum líka að margþættum verkefnum til að tryggja góðan rekstur Hellisheiðarvirkjunar. Það er mikilvægt að leysa þau verkefni vel af hendi um leið og við missum ekki sjónar af almannaþjónustunni sem Orkuveitunni er trúað fyrir. Rekstraryfirlit stjórnenda Allar fjárhæðir eru í milljónum króna á verðlagi hvers árs. Rekstur á fyrri helmingi hvers árs 2009 2010 2011 2012 2013 -------------------------------------------------------------------------------- Rekstrartekjur 11.925 13.561 16.676 19.287 20.111 -------------------------------------------------------------------------------- Rekstrarkostnaður (6.233) (6.505) (6.164) (6.560) (6.679) -------------------------------------------------------------------------------- EBITDA 5.692 7.056 10.512 12.727 13.432 -------------------------------------------------------------------------------- Afskriftir (4.702) (3.902) (4.136) (4.585) (4.496) -------------------------------------------------------------------------------- Rekstrarhagnaður EBIT 990 3.154 6.376 8.142 8.936 -------------------------------------------------------------------------------- Innleystar fjármunat. og (3.964) (1.120) (1.388) (1.791) (1.447) (fjármagnsgj.) -------------------------------------------------------------------------------- Afkoma fyrir óinnleysta (2.973) 2.034 4.987 6.351 7.488 fjármagnsliði -------------------------------------------------------------------------------- Óinnleystir fjármagnsliðir (10.136) 4.058 (9.771) (8.292) (4.077) -------------------------------------------------------------------------------- Afkoma fyrir tekjuskatt skv. (13.109) 6.092 (4.783) (1.942) 3.411 árshlutar. -------------------------------------------------------------------------------- Tekjuskattur 2.494 (974) 962 1.017 325 -------------------------------------------------------------------------------- Afkoma tímabilsins (10.615) 5.118 (3.821) (924) 3.736 -------------------------------------------------------------------------------- Tengiliður: Bjarni Bjarnason, forstjóri 516 6000 |
|||
|