|
|||
2008-05-16 11:30:29 CEST 2008-05-16 11:31:28 CEST REGULATED INFORMATION Exista hf. - FyrirtækjafréttirExista áfram með 19,98% í Sampo eftir niðurfellingu hlutafjárSampo Oyj sendi í dag flöggunartilkynningu til kauphallarinnar í Helsinki þess efnis að Exista hf. fari áfram með A-hluti í Sampo sem nemur 19,98% af heildarhlutafé í félaginu að teknu tilliti til samþykktrar niðurfellingar á hlutum í Sampo. Þetta er í samræmi við umfjöllun um hugsanlega niðurfellingu á hlutum í Sampo í tilkynningu Exista um afkomu fyrsta ársfjórðungs 2008 frá 29. apríl sl. Fram kom í tilkynningu frá Sampo þann 7. maí síðastliðinn að stjórn félagsins hefði samþykkt að fella niður eigin hluti í A flokki um 6.715.000 hluti og auka þannig hlutfallslega eign núverandi hluthafa. Exista hefur heimild finnska tryggingaeftirlitsins til þess að fara með allt að 20% hlutafjár í Sampo. Exista hefur því selt 1.350.000 hluti og lokað afleiðusamningi í þeim tilgangi að halda hlutfallslegri eign félagsins í Sampo í 19,98% af heildarhlutafé eins og fyrir niðurfellingu hlutafjár. Sampo Oyj á og stýrir vátryggingafélaginu If, sem er leiðandi skaðatryggingafélag á Norðurlöndunum og Eystrasaltsríkjunum, og Sampo Life, sem starfar á sviði líftrygginga og lífeyrissparnaðar, einkum í Finnlandi og Eystrasaltsríkjunum. Árlegar iðgjaldatekjur félagsins nema um 4,5 milljörðum evra (540 milljörðum króna). Sampo er jafnframt umsvifamikill fjárfestir á norrænum mörkuðum og er félagið skráð á Nasdaq OMX Nordic Exchange í Helsinki. Frekari upplýsingar um reikninga félagsins veitir: Samskiptasvið Exista Sigurður Nordal framkvæmdastjóri sími: 550 8620 (ir@exista.com) Um Exista Exista hf. starfar á sviði fjármálaþjónustu, einkum vátrygginga og eignaleigu, meðal annars undir merkjum VÍS, Lífís og Lýsingar. Exista er jafnframt alþjóðlegur fjárfestir og meðal annars kjölfestueigandi í Sampo Group, Kaupþingi banka, Bakkavör Group, Storebrand og Skiptum. Markmið Exista er að nýta fjárhagslegan styrk sinn til uppbyggingar á starfsemi sinni hér á landi og erlendis. Upplýsingar um Exista hf. er að finna á vefsíðu félagsins, www.exista.com |
|||
|