Icebank - Fyrirtækjafréttir

- Skipulagsbreytingar hjá Icebank

Sigurður Smári Gylfason hefur verið ráðinn framkvæmdastjóri fyrirtækjasviðs
Icebank. Sigurður Smári var stofnandi og framkvæmdastjóri Behrens
fyrirtækjaráðgjafar hf. frá árinu 2003 en Icebank keypti Behrens fyrr á þessu
ári. Sigurður Smári var framkvæmdastjóri Íslenska hugbúnaðarsjóðsins á árunum
1997 til 2003 og starfaði þar áður sem fjárfestingastjóri hjá
Eignarhaldsfélaginu Alþýðubankanum. Sigurður Smári er viðskiptafræðingur frá
Háskóla Íslands. 

Samkomulag hefur orðið um að Gunnar Svavarsson, framkvæmdastjóri
fyrirtækjasviðs Icebank, og Hafdís Karlsdóttir, framkvæmdastjóri rekstrarsviðs
Icebank, láti af störfum hjá bankanum. Forstöðumenn deilda rekstrarsviðs munu
heyra beint undir Agnar Hansson, bankastjóra Icebank. 

Hafdísi og Gunnari eru þökkuð vel unnin störf fyrir bankann um leið og þeim er
óskað velfarnaðar á nýjum vettvangi. 


Nánari upplýsingar veitir:
Agnar Hansson, bankastjóri Icebank, í síma 840 4140