Lánamál ríkisins - Fyrirtækjafréttir

Útboð ríkisvíxla RIKV 17 0418

Fimmtudaginn 13. október kl. 11:00 fer fram útboð hjá Lánamálum ríkisins á
ríkisvíxlum í flokknum RIKV 17 0418 sem er með gjalddaga 18. apríl 2017. 

Lánamál ríkisins áskilja sér rétt til að samþykkja öll tilboð sem berast, að
hluta eða hafna þeim öllum. Einungis aðalmiðlurum ríkisverðbréfa er heimilt að
gera tilboð í útboðinu, en þeir annast einnig tilboðsgerð fyrir fjárfesta.
Lágmark hvers tilboðs er ein milljón króna að nafnvirði. 

Útboðinu verður þannig háttað að öll samþykkt tilboð bjóðast aðalmiðlurum á
sama verði. Lægsta samþykkta verð (hæsta ávöxtunarkrafa) ræður söluverðinu. Að
öðru leyti er vísað í útboðsskilmála sem fylgja þessari frétt. 

Greiðslu- og uppgjörsdagur er mánudagurinn 17. október 2016.

Sótt verður um að RIKV 17 0418 verði tekinn til viðskipta í NASDAQ á Íslandi
mánudaginn 17. október 2016. 

Nánari upplýsingar veitir Oddgeir Gunnarsson, Lánamálum ríkisins, í síma 569
9635.

Attachments:

Frett RIKV 11.okt. 16.pdf

Utbosskilmalar RIKV 13.okt. 16.pdf