|
|||
2015-08-31 11:27:12 CEST 2015-08-31 11:28:13 CEST REGULATED INFORMATION Eimskipafélag Íslands hf. - FyrirtækjafréttirEimskip hefur hætt við smíði á seinna skipinu í KínaÁrið 2011 samdi Eimskip við skipasmíðastöð í Kína um smíði á tveimur gámaskipum. Fyrra skipið Lagarfoss var afhent félaginu í júní á síðasta ári og hefur það reynst mjög vel í rekstri félagsins. Smíði á seinna skipinu hefur ekki gengið samkvæmt áætlun og ljóst er að frekari tafa er að vænta. Félagið hefur nú ákveðið að nýta sér rétt sinn í samningnum við skipasmíðastöðina og hætta við smíðina. Eins og kveðið er á í samningum mun Eimskip krefjast endurgreiðslu á 13.1 milljón USD (auk vaxta) sem félagið hefur lagt út vegna smíðinnar og er sú fjárhæð tryggð með bankaábyrgð. Eimskip mun í framhaldinu skoða aðra möguleika í fjárfestingu á sambærilegu skipi. Um Eimskip Eimskip rekur 56 starfsstöðvar í 19 löndum og er með 18 skip í rekstri. Félagið hefur á að skipa um 1.520 starfsmönnum. Um helmingur tekna félagsins kemur frá starfsemi utan Íslands. Stefna félagsins er að veita framúrskarandi flutningaþjónustu á Norður-Atlantshafi ásamt því að bjóða víðtæka og öfluga þjónustu í alþjóðlegri frystiflutningsmiðlun. |
|||
|