Íbúðalánasjóður - Breyting á stjórn/framkvæmdastjórn/endurskoðendum

Nýr framkvæmdastjóri rekstrarsviðs Íbúðalánasjóðs

Rut Hreinsdóttir, Msc. Endurskoðun og reikningsskil, hefur verið ráðin sem
framkvæmdastjóri rekstrarsviðs Íbúðalánasjóðs. 

Rut er með meistaragráðu í endurskoðun og reikningsskilum frá Háskólanum í
Reykjavík og með Bs gráðu í viðskipta- og hagfræði frá Handelshöjskolen í
Heming (Aarhus, DK). Rut hefur áralanga reynslu af rekstri og fjármálum og
hefur starfað sem fjármálastjóri hjá Hlaðbæ-Colas, Tali, Lífeyrissjóði
verkfræðinga og nú síðast hjá Hringrás. 

Rut er gift Guðmundi Bjarna Harðarsyni, framkvæmdastjóra  og eiga þau saman
tvær dætur. 

Rut mun hefja störf hjá Íbúðalánasjóði á næstu vikum.