Skeljungur hf. - Boðun hluthafafundar

Skeljungur hf.: Framboð til stjórnar og tilnefningarnefndar – Aðalfundur 26. mars 2019

Aðalfundur Skeljungs hf. verður haldinn þann 26. mars 2019 kl. 16.00 á Hilton Nordica Reykjavík, Suðurlandsbraut 2, Reykjavík, í fundarsal D.

Framboðsfrestur til stjórnar og tilnefningarnefndar Skeljungs hf. er runninn út.

Eftirtaldir aðilar hafa gefið kost á sér í stjórn félagsins:

• Ata Maria Bærentsen
• Baldur Már Helgason
• Birna Ósk Einarsdóttir
• Jens Meinhard Rasmussen
• Kjartan Örn Sigurðsson
• Kristján Geir Gunnarsson

Nánari upplýsingar um frambjóðendur er að finna í viðhengi og í skýrslu tilnefningarnefndar á heimasíðu Skeljungs: https://www.skeljungur.is/adalfundur2019.

Samkvæmt samþykktum félagsins skal stjórn þess skipuð fimm einstaklingum og skal hlutfall hvors kyns innan stjórnar ekki vera lægra en 40%.

Stjórn Skeljungs hf. barst krafa um að beitt verði margfeldiskosningu við kjör stjórnar Skeljungs hf. Krafan barst stjórn innan tilskilins frests og barst frá hluthöfum sem hafa yfir að ráða meira en 1/10 hlutafjárins, sbr. 7. mgr. 63. gr. laga um hlutafélög nr. 2/1995. Margfeldiskosningu verður því beitt við stjórnarkjörið á fundinum.

Margfeldiskosning fer fram með eftirfarandi hætti: Kosið skal á milli einstaklinga. Gildi hvers atkvæðis skal margfaldað með fjölda þeirra stjórnarmanna sem kjósa skal og má hluthafi skipta atkvæðamagni sínu, þannig reiknuðu, í hverjum þeim hlutföllum, sem hann sjálfur kýs, á jafnmarga menn og kjósa skal eða færri. Ef ekki er á atkvæðaseðli getið skiptingar atkvæða á milli þeirra sem þau eru greidd skal þeim skipt að jöfnu. 

Framboðsfrestur til setu í tilnefningarnefnd félagsins er einnig runninn út. Eftirfarandi einstaklingar eru í framboði til tilnefningarnefndar:

• Katrín S. Óladóttir
• Sigurður Kári Árnason

Samkvæmt starfsreglum tilnefningarnefndar skal hluthafafundur kjósa tvo nefndarmenn en nýkjörin stjórn félagsins skipar einn úr stjórn í nefndina í kjölfar aðalfundar. Katrín og Sigurður verða því sjálfkjörin til setu í nefndinni. Sjá nánari upplýsingar um frambjóðendur í viðhengi.

Öll fundargögn má finna á heimasíðu félagsins: https://www.skeljungur.is/adalfundur2019

Frekari upplýsingar veitir Gróa Björg Baldvinsdóttir, regluvörður, sími 840-3040, tölvup. regluvordur@skeljungur.is.

*             *             *

Skeljungur er orkufyrirtæki sem selur vörur og þjónustu á Íslandi, í Færeyjum og á Norður-Atlantshafinu. Meginstarfsemi félagsins er innflutningur, birgðahald, sala og dreifing á eldsneyti og eldsneytistengdum vörum. Félagið starfrækir 76 eldsneytisstöðvar og 6 birgðastöðvar á Íslandi og í Færeyjum. Auk þess selur félagið áburð og og efnavörur á Íslandi og rekur verslanir og þjónustar og selur olíu til húshitunar í Færeyjum. Viðskiptavinir Skeljungs spanna frá einstaklingum til fyrirtækja, í sjávarútvegi, landbúnaði, flutningum, flugi og til verktaka. Starfsemin er rekin undir merkjunum Skeljungur, Orkan, OrkanX og Magn. Meginmarkmið Skeljungs er að að þjóna orkuþörf einstaklinga og fyrirtækja á hagkvæman og öruggan máta í sátt við umhverfi sitt.

www.skeljungur.is

https://www.linkedin.com/company/skeljungur-hf/

Viðhengi

• Framboð til stjórnar og tilnefningarnefndar Skeljungs 2019 aðalfundur

Attachments:

Framboð til stjórnar og tilnefningarnefndar Skeljungs 2019 aðalfundur.pdf