|
|||
![]() |
|||
2016-05-11 18:33:28 CEST 2016-05-11 18:33:28 CEST REGULATED INFORMATION Arion Bank hf. - ÁrsreikningurAfkoma Arion banka á fyrstu þremur mánuðum ársins 2016Hagnaður Arion banka á fyrstu þremur mánuðum ársins 2016 nam 2,9 milljörðum króna samanborið við 14,9 milljarða króna á sama tímabili 2015. Arðsemi eigin fjár var 5,7% samanborið við 35,1% fyrir sama tímabil árið 2015. Hagnaður af reglulegri starfsemi nam 2,6 milljörðum króna samanborið við 4,0 milljarða á fyrsta ársfjórðungi 2015. Arðsemi eigin fjár af reglulegri starfsemi nam 5,1% samanborið við 9,8% á fyrsta ársfjórðungi 2015. Heildareignir námu 1.028,6 milljörðum króna í lok mars samanborið við 1.011,0 milljarða króna í árslok 2015 og eigið fé hluthafa bankans nam 195,2 milljörðum króna í lok mars, samanborið við 192,8 milljarða króna í árslok 2015. Eiginfjárhlutfall bankans í lok mars var 27,0% en var 24,2% í árslok 2015. Hlutfall eiginfjárþáttar A hækkaði og nam 26,2% samanborið við 23,4% í árslok 2015. Helstu rekstrar- og kennitölur bankans eru eftirfarandi: Rekstrarreikningur Í milljónum króna 1F 2016 1F 2015 Breyting Breyt. % Hreinar vaxtatekjur 7.273 5.783 1.490 26% Hreinar þóknanatekjur 3.219 3.757 (538) (14%) Hreinar fjármunatekjur (301) 7.539 (7.840) (104%) Hlutdeild í hagnaði hlutdeildarfélaga 677 4.211 (3.534) (84%) Aðrar rekstrartekjur 1.235 491 744 152% ------------------------------------------------------------------------------- Rekstrartekjur 12.103 21.781 (9.678) -44% Laun og launatengd gjöld (4.108) (3.492) (616) 18% Annar rekstrarkostnaður (3.234) (2.898) (336) 12% Bankaskattur (742) (730) (12) 2% Hrein virðisbreyting (503) 1.782 (2.285) -128% ------------------------------------------------------------------------------- Hagnaður fyrir skatta 3.516 16.443 (12.927) -79% Tekjuskattur (737) (1.720) 983 (57%) Afkoma af aflagðri starfsemi eftir skatta 104 183 (79) -43% ------------------------------------------------------------------------------- Hagnaður tímabilsins 2.883 14.906 (12.023) -81% =============================================================================== Helstu kennitölur Arðsemi eigin fjár 5,7% 35,1% -29,5% Vaxtamunur á vaxtaberandi eignir 3,1% 2,6% 0,5% Kostnaðarhlutfall 60,7% 29,3% 31,3% Tier 1 hlutfall 26,2% 21,2% 5,0% Höskuldur H. Ólafsson, bankastjóri Arion banka: „Afkoma þessara fyrstu mánaða ársins er viðunandi, sérstaklega í ljósi aðstæðna, en þróun á verðbréfamörkuðum hér á landi var bankanum óhagstæð á tímabilinu. Kjarnastarfsemi bankans gekk vel sérstaklega þegar horft er til vaxtatekna en þær aukast nokkuð á milli ára og skiptir þar mestu annars vegar aukin verðbólga og hærra vaxtastig en hins vegar lægri vaxtakostnaður bankans. Rekstarkostnaður bankans eykst hins vegar á tímabilinu og þá ekki síst vegna áhrifa kjarasamninga en einnig vegna fjölgunar starfsfólks, sérstaklega hjá Valitor, dótturfélagi bankans sem er í nokkrum vexti á erlendum vettvangi. Fjármögnun Arion banka hefur breyst nokkuð og er nú til lengri tíma en áður. Þar skiptir mestu að í upphafi árs náðust samningar við Kaupþing um endurfjármögnun eldra láns og innstæðna Kaupþings hjá bankanum í erlendum myntum. Endurfjármögnunin fólst í útgáfu skuldabréfs sem Arion banki gaf út að upphæð 93 milljarðar króna til sjö ára. Í aprílmánuði gaf Arion banki svo út sitt annað skuldabréf í evrum til breiðs hóps alþjóðlegra fjárfesta á nokkuð hagstæðari kjörum en fyrra skuldabréfið sem gefið var út fyrir um ári síðan. Sterk staða bankans og bætt lánshæfismat leiðir til greiðari aðgangs að erlendum lánsfjármörkuðum. Startup Reykjavík verður haldið í fimmta sinn í sumar. Veruleg aukning var í umsóknum í ár og verður á næstu dögum tilkynnt hvaða 10 fyrirtæki munu taka þátt en Startup Reykjavík var valinn besti viðskiptahraðallinn á Íslandi 2016 af Nordic Startup Awards. Síðar á árinu mun svo Startup Energy Reykjavík viðskiptahraðalinn fara fram í þriðja sinn. Í gegnum þessa tvo hraðla hefur Arion banki þegar fjárfest í 54 fyrirtækjum og er fyrirséð að 17 ný og spennandi fyrirtæki bætast við í ár. Að auki hafa þau fyrirtæki sem tekið hafa þátt í viðskiptahröðlunum aflað sér viðbótarfjármagns í formi hlutafjár eða styrkja sem nemur 2,2 milljörðum króna. Þegar kemur að fyrirtækjum sem eru komin aðeins lengra í þroska og uppbyggingu þá höfum við fjárfest í sprotasjóðnum Eyrir Sprotar fyrir milljarð króna, en hlutverk sjóðsins er að fjárfesta í ungum fyrirtækjum með mikla vaxtarmöguleika. Bankinn er mjög staðfastur þegar kemur að nýsköpun og styður einnig við Nýsköpunarkeppni grunnskólana, sem er metnaðarfull keppni grunnskólanema, og skrifuðum við fyrr á árinu undir samstarfssamning við samtökin Ungir frumkvöðlar á Íslandi sem standa fyrir nýsköpunarátaki í framhaldsskólum landsins. Í tengslum við þetta átak var námsmannafyrirtæki ársins nýlega valið við skemmtilega athöfn í Arion banka. Við lítum svo á að með stuðningi við nýsköpun á hinum ýmsu stigum menntunar og þroska fyrirtækja séum við að hlúa að framtíðinni og stuðla að enn fjölbreyttara atvinnulífi hér á landi þegar fram líða stundir. Þessu tengt þá er margt spennandi að gerast á sviði fjármálatækni og mikið um nýjungar á því sviði. Við hjá Arion banka ætlum nú í byrjun júní að standa fyrir forritunarkeppni, sem við köllum FinTech partý Arion banka. Öllum er velkomið að taka þátt og munu þátttakendur spreyta sig á að þróa og forrita snjallar fjármálalausnir fyrir fyrirtæki og einstaklinga.“ Fundur með markaðsaðilum Arion banki mun halda símafund á ensku fyrir markaðsaðila, fimmtudaginn 12. maí, klukkan 13:00. Á fundinum mun Stefán Pétursson, fjármálastjóri Arion banka, fara yfir helstu atriði í uppgjöri bankans. Áhugasamir geta sent tölvupóst á ir@arionbanki.is og fá í kjölfarið sendar nánari upplýsingar varðandi þátttöku á símafundinum. Nánari upplýsingar veitir Haraldur Guðni Eiðsson, samskiptasviði Arion banka, haraldur.eidsson@arionbanki.is, s: 856 7108. |
|||
|