|
|||
2009-12-18 10:52:55 CET 2009-12-18 10:53:55 CET REGULATED INFORMATION Íbúðalánasjóður - FyrirtækjafréttirTilkynning vegna útgáfu á nýjum flokki íbúðabréfaÍbúðalánasjóður hefur frá byrjun ársins 2009 verið með í skoðun útgáfu á nýjum flokki íbúðabréfa, í samræmi við tilkynningu sem birt var á Kauphöllinni þann 12.2.2009. Þar kom m.a. fram að til stæði að kanna möguleika á útgáfu á lengri flokki íbúðabréfa en nú er. Frá ársbyrjun 2009 hefur ríkt umtalsverð óvissa varðandi útgáfu íbúðabréfa í tengslum við hugsanleg kaup Íbúðalánasjóðs á fasteignaveðlánasöfnum banka og sparisjóða, í samræmi við lög nr. 125/2008, reglugerð nr. 1081/2008 og reglur stjórnar Íbúðalánasjóðs um kaupin. Í fjárlögum ársins 2009 var gert ráð fyrir heimild sjóðsins til að kaupa lánasöfn fyrir allt að 100 milljarða króna en einnig kom fram að sú tala gæti orðið hærri eða lægri. Kaup sjóðsins hafa, að svo komnu máli, verið mun lægri eða samtals um 14 milljarðar króna. Íbúðalánasjóður útilokar þó ekki að sú tala geti hækkað. Þá hefur einnig ríkt nokkur óvissa varðandi áhrif vanskil, frystingar lána og annarra greiðsluerfiðleikaúrræða á greiðsluflæði sjóðsins. Íbúðalánasjóður telur þó að þau áhrif séu ekki verið mikil enn sem komið er. Í ljósi þessa hefur sjóðurinn fallið frá hugmyndum um útgáfu á nýjum flokki íbúðabréfa á árinu 2009 og á fyrri hluta ársins 2010, en gerir ráð fyrir að endurskoða málið á síðari hluta ársins 2010. |
|||
|