|
|||
![]() |
|||
2015-09-07 12:06:32 CEST 2015-09-07 12:07:33 CEST REGULATED INFORMATION Íbúðalánasjóður - Breyting á stjórn/framkvæmdastjórn/endurskoðendumSkipulagsbreytingar hjá Íbúðalánasjóði - Nýtt skipuritÍbúðalánasjóður hefur á síðustu tveimur árum náð fram töluverðri rekstrarhagræðingu. Áframhaldandi hagræðing, bætt þjónusta og einföldun starfseminnar eru markmið breytts skipulags Íbúðalánasjóðs sem kynnt var í dag. Framkvæmdastjórar sviða hjá sjóðnum verða í framtíðinni fjórir en voru sex áður. Nýtt skipurit þess efnis var samþykkt á fundi stjórnar Íbúðalánasjóðs nú síðdegis. Nýja skipulagið miðar að því aðlaga reksturinn frekar að kjarnastarfsemi sjóðsins sem er að veita þjónustu í almannaþágu með húsnæðislánveitingum til almennings um allt land. Samhliða verður sölu eigna haldið áfram um leið og dregið verður úr þeim hluta starfseminnar sem tengdist úrlausn skuldamála í kjölfar bankahrunsins, en þeirri vinnu er nú að mestu lokið. Eftir skipulagsbreytingarnar skiptist starfsemi Íbúðalánasjóðs í fjögur meginsvið: viðskiptasvið, útlánasvið, fjármálasvið og rekstrarsvið. Verkefni eignasviðs og upplýsingatæknisviðs verða felld undir nýtt svið sem nefnist rekstrarsvið og verkefni lögfræðisviðs færast beint undir forstjóra. Framkvæmdastjóri viðskiptasviðs verður Guðrún Soffía Guðmundsdóttir, framkvæmdastjóri lánasviðs verður Úlfar Þór Indriðason, framkvæmdastjóri rekstrarsviðs verður Gunnhildur Gunnarsdóttir og framkvæmdastjóri fjármálasviðs Sigurður Jón Björnsson. Skipulagsbreytingarnar eru liður í stefnumótunarvinnu stjórnar í framhaldi af skilum verkefnastjórnar velferðaráðherra á skýrslu um framtíðarskipan húsnæðismála síðasta vor. Stefnumótunin felur í sér áherslu á einfaldari rekstur, aukna áherslu á kjarnastarfsemi sjóðsins, markvissar aðgerðir til lausnar á fjármögnun skuldbindinga sjóðsins og jafnvægi í lánastarfsemi og fjármögnum sjóðsins. Stjórn sjóðsins lítur svo á að með áðurnefndum skipulagsbreytingum verði Íbúðalánasjóður betur í stakk búinn til þess að sinna lögbundnu hlutverki sínu á húsnæðislánamarkaði: að veita þjónustu í almannaþágu, að stuðla að húsnæðisöryggi með sanngjörnum lánakjörum óháð stöðu eða búsetu og stuðla þannig að stöðugleika á íslenskum húsnæðismarkaði. Samhliða skipulagsbreytingunum verður ráðgjöf, fræðsla og þjónusta við viðskiptavini Íbúðalánasjóðs efld. |
|||
|