|
|||
![]() |
|||
2008-08-12 17:55:05 CEST 2008-08-12 17:56:06 CEST REGULATED INFORMATION Marel Food Systems hf. - Ársreikningur- Annar ársfjórðungur 2008 - Góður söluvöxtur og rekstrarafkoma í samræmi við sett markmiðMarel Food Systems hf - Afkomutilkynning 9,5% EBIT (próforma) á öðrum ársfjórðungi • Kaup Marel Food Systems á Stork Food Systems gengu í gegn þann 8. maí s.l. og kemur Stork Food Systems inn í reikninga félagsins frá þeim tíma. • Sala annars ársfjórðungs nam 145,0 milljónum evra samanborið við 72,6 milljónir á sama tíma árið áður. Jókst salan því um 99,8% á milli ára. Próforma sala Marel Food Systems og Stork Food Systems af kjarnastarfsemi (án Food & Dairy deildar Stork ) á öðrum ársfjórðungi 2008 nam 162,6 milljónum evra, sem er aukning um 8,2% samanborið við sama tímabil árið 2007, um 11% á föstu gengi. • Rekstrarhagnaður (EBIT) á tímabilinu var 11,1 milljónir evra, sem er 7,7% af sölu, samanborið við 3,4 milljónir (4,7% af sölu) á sama tíma í fyrra. Próforma rekstrarhagnaður (EBIT) var 15,5 milljónir evra, sem er 9,5% af sölu. • Fjármagnskostnaður á ársfjórðungnum var hagstæður. Á fjórðungnum voru gefin út skuldabréf í íslenskum krónum að fjárhæð 6 milljarðar. Uppgjörsmynt Marels er evrur og á hagstæðum tímapunkti var skuldbingingum félagsins vegna skuldabréfaútboðsins skipt yfir í evruskuldbindingar, samtals 47 milljónir evra, sem skapar einskiptis gengishagnað. • Hagnaður tímabilsins eftir skatt nam 10,1 milljónum evra samanborið við 7,4 milljónir á öðrum ársfjórðungi árið 2007. Helstu niðurstöður fyrir fyrstu sex mánuði ársins 2008 • Próforma sala Marel Food Systems og Stork Food Systems af kjarnastarfsemi fyrstu sex mánuði ársins nam 317,8 milljónum evra, sem er aukning um 8,5% samanborið við sama tímabil 2007, eða 11,5% á föstu gengi. • Rekstrarhagnaður (EBIT) fyrstu sex mánuðina var 13,3 milljónir evra, sem er 6,1% af sölu, samanborið við 6,7 milljónir (4,6% af sölu) á sama tíma í fyrra. Próforma rekstrarhagnaður (EBIT) var 27,7 milljónir evra sem er 8,7% af sölu. • Netto vaxtaberandi skuldir eru 379,2 milljónir evra. • Eigið fé nam 306,2 milljónum evra og eiginfjárhlutfall var 32,5% í lok júní 2008. Hörður Arnarson, forstjóri: “Við kláruðum formlega samruna Marel og Stork Food Systems þann 8. mai síðastliðinn sem voru mikil tímamót í sögu fyrirtækisins Sameinað fyrirtæki hefur stærð og styrk til að fylgja eftir vexti viðskiptavina inn á nýmarkaði Austur Evrópu, Suður-Ameríku og Asíu. Eftir þrjár stefnumarkandi yfirtökur á síðastliðnum tveimur árum höfum við á þessu ári lagt áherslu á samþættingu félaganna, innri vöxt og bætta afkomu. Marel Food Systems skilar á öðrum ársfjórðungi 9,5% rekstrarhagnaði (próforma) sem hlutfall af sölu af kjarnastarfsemi og sýnir jafnframt sterkan innri vöxt. Fyrstu sex mánuði ársins er rekstrarhagnaður (próforma) sem hlutfall af sölu 8,7%, með sýnilegum bata á milli fjórðunga, sem er í samræmi við þau markmið um að ná 9% rekstrarhagnaði fyrir árið í heild og yfir 10% á næsta ári.” Horfur Afkoman er í samræmi við þær væntingar sem gerðar voru í lok fyrsta ársfjórðungs en þá var reiknað með að afkoma fyrirtækisins myndi batna umtalsvert þegar liði á árið. Samþætting þeirra fyrirtækja sem keypt hafa verið á undanförnum árum er farin að skila hluta af þeim samlegðaráhrifum sem stefnt var að. Próforma rekstrarhagnaður (EBIT) annars ársfjórðungs fyrir félagið í heild er 9,5% af veltu (8,7% fyrir fyrstu sex mánuði ársins), sem er í samræmi við yfirlýst markmið fyrirtækisins um 9% fyrir árið í heild. Þó munu áhrif sameiningu Scanvaegt og Marel ehf undir nafni Marel, sem tilkynnt var á fyrsta ársfjórðungi, ekki byrja að skila sér að ráði fyrr en á þriðja ársfjórðungi og að fullu á fjórða ársfjórðungi. Vinna við samþættingu á Marel Food Systems og Stork Food Systems er að hefjast en eins og áður hefur verið bent á er hún af allt öðrum toga en samþætting Marel og Scanvaegt. Engin skörun er í vöruframboði fyrirtækjanna og því er mun minni einskiptiskostnaður við samþættinguna. Í upphafi er áhersla lögð á að ná fram samlegðaráhrifum með sameiginlegum upplýsingakerfum, innkaupum, framleiðslu og í markaðsstarfi, og er sú vinna þegar hafin. Afkoma fyrirtækisins á þriðja ársfjórðungi mun eins og áður mótast nokkuð af sumarleyfum. Ýmsar blikur eru á lofti í rekstarumhverfi fyrirtækisins, einkum miklar hækkanir á hráefni til matvælaframleiðslu og óróleiki á alþjóðlegum fjármálamörkuðum. Enn sem komið er hafa áhrifin á rekstur félagsins verið óveruleg. Þetta ástand felur bæði í sér ógnanir og tækifæri. Erfitt er að spá fyrir um heildaráhrif þeirra á starfsemi fyrirtæksins ef þetta ástand varir lengi. |
|||
|