Íslandsbanki hf. - Niðurstöður hluthafafundar

Islandsbanki hf. : Aðalfundur Íslandsbanka

+------------------------------------------------------------------------------+
|Aðalfundur Íslandsbanka var haldinn í dag, þriðjudaginn 19. apríl.            |
|Friðrik Sophusson, formaður stjórnar, flutti skýrslu stjórnar og Birna        |
|Einarsdóttir, bankastjóri, fór yfir uppgjör bankans og helstu þætti í         |
|starfsemi hans á árinu 2015.                                                  |
|Helstu niðurstöður aðalfundar:                                                |
|Ný stjórn var kjörin fyrir bankann:                                           |
|                                                                              |
|Anna Þórðardóttir, Auður Finnbogadóttir, Árni Stefánsson, Hallgrímur          |
|Snorrason, Heiðrún Jónsdóttir, Helga Valfells og Friðrik Sophusson, sem einnig|
|var kjörinn formaður stjórnar.                                                |
|                                                                              |
|Herdís Gunnarsdóttir og Pálmi Kristinsson voru kjörin í varastjórn bankans.   |
|Marianne Økland, Eva Cederbalk, Neil Graeme Brown, Gunnar Fjalar Helgason og  |
|Árni Tómasson hætta í aðalstjórn bankans og Jón Eiríksson og Margrét          |
|Kristmannsdóttir hætta í varastjórn bankans.                                  |
|Þá samþykkti fundurinn ársreikning bankans og að allt að 50% nettóhagnaðar    |
|bankans árið 2015 verði greiddur sem arður til hluthafa en að öðru leyti      |
|bætist hagnaðurinn við eigið fé bankans. Stjórn bankans var einnig fengin     |
|heimild til að kalla til sérstaks hluthafafundar síðar á árinu þar sem tillaga|
|um greiðslu arðs af hagnaði fyrri rekstrarára kann að vera lögð fram.         |
|Þá var samþykkt starfskjarastefna fyrir bankann og ákveðin þóknun til         |
|stjórnarmanna. Jafnframt fól fundurinn stjórn bankans að setja í starfsreglur |
|sínar ákvæði um samkeppnislegt sjálfstæði bankans gagnvart öðrum              |
|viðskiptabönkum í eigu ríkisins.                                              |
|Á fundinum var samþykkt tillaga um breytingu á samþykktum bankans á þá leið að|
|heimilisfang bankans og varnarþing verði i Kópavogi.                          |
|Þá var á fundinum einnig samþykkt að Ríkisendurskoðun verði endurskoðunarfélag|
|bankans til næstu fimm ára.                                                   |
|Hægt er að nálgast Ársskýrslu á www.islandsbanki.is/arsskyrsla.               |
|Önnur gögn frá aðalfundi má finna á www.islandsbanki.is/adalfundur og á vef   |
|fjárfestatengsla Íslandsbanka, www.islandsbanki.is/ir                         |
|                                                                              |
|                                                                              |
|Nánari upplýsingar veita:                                                     |
|  * Fjárfestatengill - Tinna Molphy, ir@islandsbanki.is og í síma 440 3187.   |
|  * Samskiptastjóri - Edda Hermannsdóttir, pr@islandsbanki.is og í síma       |
|    844 4005.                                                                 |
+------------------------------------------------------------------------------+

[HUG#2004949]

Attachments:

Tillögur til Aðalfundar.pdf