|
|||
2013-11-13 08:56:24 CET 2013-11-13 08:57:25 CET REGULATED INFORMATION Orkuveita Reykjavíkur - FyrirtækjafréttirUppskipting Orkuveitunnar undirbúinReykjavík, 2013-11-13 08:56 CET (GLOBE NEWSWIRE) -- Stjórn Orkuveitunnar hefur falið forstjóra að undirbúa tillögur um uppskiptingu fyrirtækisins í samræmi við ákvæði raforkulaga nr. 65/2003, sem koma til framkvæmda 1. janúar 2014. Til grundvallar liggur einróma niðurstaða á sameiginlegum vettvangi eigenda fyrirtækisins; Reykjavíkurborgar, Akraneskaupstaðar og Borgarbyggðar. Út frá því er gengið að sameignarfyrirtækið Orkuveita Reykjavíkur verði móðurfélag í samstæðu dótturfélaga, sem hvert hefur með höndum sinn þátt starfseminnar; lögbundin verkefni sveitarfélaga, rekstur sérleyfisveitna og verkefni á samkeppnismarkaði. Félagsform móðurfélagsins verður þannig óbreytt og réttindi þess, skyldur og ábyrgð eigenda á því hin sömu. Lagt verður fram frumvarp til nýrra laga um Orkuveitu Reykjavíkur. Því er meðal annars ætlað að tryggja að uppskipting Orkuveitu Reykjavíkur muni, ein og sér, ekki hafa í för með sér skattalegar skuldbindingar sem ella hefðu ekki fallið til. Uppskiptingin verður kynnt nánar þegar formlegar ákvarðanir hafa verið teknar. |
|||
|