Sparisjóður Reykjavíkur og nágr. - Árshlutareikningar

- Níu mánaða uppgjöri 2007 - gögn af kynningarfundi

Afkoma SPRON fyrstu níu mánuði ársins 2007

Hagnaður samstæðu SPRON 9,3 milljarðar króna eftir skatta
Arðsemi eigin fjár 41,6% á ársgrundvelli

Helstu niðurstöður fyrstu níu mánuði ársins 2007:
• Hagnaður af rekstri SPRON samstæðunnar eftir skatta var 9.279 milljónir króna
  á fyrstu níu mánuðum ársins 
• Arðsemi eigin fjár eftir skatta var 41,6% á ársgrundvelli
• Hreinar rekstrartekjur námu alls 15.297 milljónir króna á tímabilinu og hafa
  aldrei verið hærri
• Vaxtamunur er 1,2%
• Niðurstaða efnahagsreiknings var 219.188 milljónir króna í lok september 2007
  og hafa heildareignir hækkað um 18,8% frá áramótum
• Heildarútlán til viðskiptamanna SPRON námu 148.583 milljónir króna í lok
  september og hækkuðu um 15,8% frá áramótum
• Heildarinnlán SPRON námu alls 74.625 milljónum króna og hækkuðu um 31,9% frá
  áramótum 
• Innlán sem hlutfall af útlánum til viðskiptamanna námu 50,2% í lok tímabilsins
• Lausafjárstaða sterk og ekki þörf á endurfjármögnun stærri lána næstu tvö árin
• Eigið fé í lok september nam 35.105 milljónum króna
• Eiginfjárhlutfall (CAD) SPRON samstæðunnar í lok tímabilsins var 11,6%.   
  Lágmarkshlutfall samkvæmt lögum er 8,0%.  Eiginfjárþáttur A er 27,4%

Helstu niðurstöður þriðja ársfjórðungs 2007:
• Tap SPRON samstæðunnar af rekstri var 850 milljónir króna eftir skatta á
  þriðja ársfjórðungi sem skýrist af hræringum á fjármálamarkaði
• Hreinar vaxtatekjur námu 746 milljónir króna og eru þær hærri en undanfarna  
  ársfjórðunga
• Hreinar þjónustutekjur námu 360 milljónum króna og hafa aldrei verið hærri í 
  einum ársfjórðungi
• Innlán jukust um 8,0 milljarða króna í ársfjórðungnum, eða um 12,0% 
• Útlán til viðskiptamanna jukust um 10,3 milljarða króna í ársfjórðungnum eða
  um 7,5% 

Guðmundur Hauksson, forstjóri SPRON:

„Rekstur SPRON á fyrstu níu mánuðum ársins hefur gengið vel og hafa tekjur
SPRON aldrei verið meiri. Afkoman á fyrstu níu mánuðum ársins er langt umfram
væntingar. Grunnrekstur SPRON er að styrkjast en á móti kemur að gengishagnaður
félagsins lækkaði á þriðja ársfjórðungi sem skýrist af þeim hræringum sem hafa
verið á fjármálamörkuðum síðustu mánuði.  Hagnaður samstæðunnar er 9,3
milljarðar króna á fyrstu níu mánuðum ársins og arðsemi eigin fjár 41,6% sem er
vel yfir okkar markmiðum.  Horfur eru ágætar fyrir árið  gerum við ráð fyrir að
afkoma félagsins verði góð fyrir árið í heild og að grunnrekstur SPRON haldi
áfram að styrkjast.”

Priedai:

árshlutareikningur spron hf 300907_ísl.pdf

kynning spron 07_11_2007.pdf

fréttatilkynning spron 07 11 2007.pdf