Landic Property hf. - Ársreikningur

2007

Hagnaður Landic Property nam 2,5 milljörðum króna á árinu 2007.

Heildareignir félagsins námu  452 milljörðum króna.

Landic Property, eitt stærsta fasteignafélag Norðurlanda, varð til á árinu 2007.

Helstu atburðir ársins 2007:

•  Eitt stærsta fasteignafélag á Norðurlöndum, sem er meðal stærstu fyrirtækja
   á Íslandi, var myndað með kaupum Landic Property hf. á Keops A/S.
•  Áhætta félagsins dreifðist verulega - landfræðilega og með fleiri og
   fjölbreyttari leigutökum. Sameinað félag er með víðtæka starfsemi í Svíþjóð,
   Danmörku, Íslandi og Finnlandi. 

•  Eignasafnið var stækkað umtalsvert á Íslandi með kaupum á Landsafli hf.

•  Markaðssetning á sameinuðum fyrirtækum Stoða og Keops undir nafni Landic
   Property. 

•  Nýr forstjóri var ráðinn til félagsins.


Lykiltölur ársins 2007

•  Heildareignir félagsins  2007 námu 452.075 milljónum kr. í árslok en námu
   156.634 milljónum árið á undan. 

•  Eigið fé félagsins í lok árs nam 70.596 milljónum kr.  Þar af nam hlutafé
   5.394 milljónum kr. Eigið fé í árslok 2006 nam 22.717 milljónum kr. 

•  Eiginfjárhlutfall í árslok 2007 var 15.6%.

•  Eigið fé félagsins ásamt tekjuskattskuldbindingum  og víkjandi lánum var
   samtals 90.367 milljónir kr., sem er 20% af heildareignum félagsins  í árslok
   2007. Þann 13. febrúar s.l. eignaðist Landic Property fasteignasjóði sem
   fjármagnaðir voru með víkjandi láni. Að því gefnu að heildareignir félagsins
   séu óbreyttar frá áramótum, hækkar framangreint hlutfall  í 23,4%.
•  Rekstrarreikningurinn inniheldur tólf mánaða rekstur Stoða hf. og rekstur
   Keops frá 3. september 2007. 

•  Hagnaður ársins 2007 nam 2.524 milljónum kr. en nam 11.395 milljónum á árinu
   2006. 

•  Rekstrartekjur ársins 2007 námu 16.588 milljónum kr. en námu 6.191 milljón á
   árinu á undan. 
Helstu atburðir frá áramótum

•  Landic Property hf. hefur fest kaup á hlut í fimm alþjóðlegum
   fasteignasjóðum. Kaupverðið er 20,6 milljarðar króna og voru kaupin
   fjármögnuð með víkjandi láni með breytirétti sem kemur til greiðslu eftir
   fimm ár. 

•  Landic Property opnaði skrifstofu í Helsinki í febrúar s.l. Opnun
   skrifstofunnar greiðir fyrir möguleikum á vexti á starfsemi félagsins í
   Finnlandi og í Eystrarsaltslöndunum.


Skarphéðinn Berg Steinarsson forstjóri segir:

“Ársuppgjör Landic Property fyrir árið 2007 sýnir mjög vel styrk félagsins. 
Við erum með umfangsmikla starfsemi í Svíþjóð, Danmörku, Íslandi og Finnlandi
og mikla staðbundna þekkingu á markaði í hverju landi.   Fjölbreytileikinn
endurspeglast í umfangsmiklum efnahagsreikningi og gerir okkur kleyft að
styrkja enn frekar starfsemina á núverandi markaði og sækja fram á nýjum. 
Vinna við að samþætta rekstur Keops innan Landic Property er komin á lokastig. 
Megináherslan á þessu ári verður að nýta til fulls þá möguleika og tækifæri sem
felast í okkar stóra eignasafni.  Eftir viðburðaríkt ár með mörgum áskorunum,
sem við höfum tekist á við og yfirunnið, er framtíðin björt.” 


Aðalfundur Landic Property hf.:

Stjórn félagsins staðfesti ársreikninginn þann 30. mars 2008.

Aðalfundur félagsins verður haldinn þriðjudaginn 22. apríl næstkomandi kl 16:00
á Hilton Reykjavík Nordica Hóteli. 

Ársreikningurinn er gerður í samræmi við alþjóðlega reikningsskilastaðla (IFRS)
og endurskoðaður af KPMG. 
Nánari upplýsingar veita: 

Fyrir fjárfesta: 
Guðrún Ögmundsdóttir, fjárfestatengill, í síma 860-7772

Fyrir blaðamenn: 
Páll Benediktsson, forstöðumaður samskiptasviðs í síma 895-6066


Um Landic Property:
Landic Property sérhæfir sig í leigu á verslunar- og skrifstofuhúsnæði til
fyrirtækja og opinberra stofnana.  Landic Property er eitt af stærstu
fasteignafélögunum á Norðurlöndum.  Félagið er leiðandi á markaði á Íslandi,
hefur umtalsverða markaðshlutdeild í Svíþjóð og Danmörku, og er búið að ná
öruggri fótfestu í Finnlandi.  Langstærstur hluti fasteigna félagins er
staðsettur á kjörsvæðum í miðborgum sem eru eftirsótt til kaupsýslu og
skrifstofuhalds. 

Landic Property (þá Stoðir hf) var stofnað árið 1999 af Baugi og Kaupþingi. 
Síðastliðið haust yfirtók félagið danska fasteignafélagið Keops A/S, sem var
skráð í OMX Kauphöllinni í Danmörku frá 1998 - 2007.  Áður (2006) höfðu Stoðir
eignast fasteignafélagið Atlas Ejendomme A/S, sem hafði yfir að ráða mjög
verðmætum eignum í miðborg Kaupmannahafnar. 

Um 270 starfsmenn vinna hjá Landic Property og félagið á um 500 fasteignir í
Svíþjóð, Danmörku, Íslandi og Finnlandi.  Leigusafn félagsins nemur um 2,6
milljónum fermetra að flatarmáli.  Leigjendur eru um 3.400 og verðmæti eigna
nemur um 452 milljörðum króna.

Attachments:

landic property 2007 press release.pdf

consolidated financial statement 2007.pdf

landic property - fréttatilkynning á íslensku.pdf